這十年來做過的事能令你無悔驕傲嗎那時候你所相信的事沒有被動搖吧 ！

2005年，一個剛投身社會青澀年輕人，毅然辭去工作，想投身飲食界。年少無知，見到D食家周圍食野，唔洗比錢只係寫返幾隻字就得掛係間舖就得。萬般羨慕。諗咗好耐，咩工可以滿足到3個願望1.食好野 2.寫作 3.影相. ? 就係飲食記者。我夢想的職業。

 

當年唔好就唔食落肚，拒絕垃圾食物，但又無辦法下下自己煮，或者在餐廳食好野。結果173CM高，得125磅。睇落都幾瘦。

鍾意食野，當年搬左去九龍城，為咗落樓就有好野食。(60年歷史添財記粥店，見過發哥。星期六日塞住晒既馬路，以前唔明點解咁多人去九龍城買餸。好味泰國菜，當然唔係出名果間)

 

當然果時冇入到行，唔係而家唔會係道同你寫野。本來入行賣西班牙火腿，做做下去咗賣酒。結果深深愛上了。不過家中有關食物的書卻唔少，而且世事難料，兜兜轉轉機會又來了飛雲。而家人人都可以寫野，仲可以在網上流芳百世添，希望唔係遺臭萬年。

 

食在當下

子曦 | WINETIME 酒書生  正式同大家見面