小女子盈盈初來乍到未見過世面，咁啱Cru Magazine舉辦左個試酒會，酒爸爸Alex就帶著我去見識下，第一次去試酒會想記錄下同大家分享

黎到會場我見到來自世界各地既大量葡萄酒同埋Whisky，因為個人鍾意粉紅色，酒爸爸就先陪我試左Rosé我個人都幾鍾意，因為我覺得佢顏色好浪漫味道清香，仲有一瓶好大支既酒，好型呀！

試左幾款酒之後，酒爸爸鍾意飲Whisky，好感興趣，唯有捨命陪君子，但小女子盈盈唔識欣賞，咁啱威士忌區果度有個Bartender係度用Whisky 調酒，因為杯酒有d花花係度好靚，好易呃到女仔，我就懵懵被呃左過去

攞到杯酒，忍唔住要影返張先先，試飲一啖，小小威士忌味+蜂蜜+檸檬，一個唔鍾意威士忌既人飲左都願意飲曬佢，但係小女子第二日還要返工，都係唔好咁瘋癲，轉頭就真係射波了…因為我覺得個味道既得意，我就八卦問左個靚仔杯酒點整，佢話：有小小威士忌+蜂蜜+蘇打水+檸檬+有朵小花…想試既朋友仔可以自己試下整你地可能會整D唔同的口感出黎

話說我地有兩個賭幣，係做咩呢？廢話唔多講，原來隔離有兩張賭檯，一張係估支酒既葡萄品種，一張係估味道同埋威士忌產區我想講我唔賭錢架，更何況我味覺同嗅覺都唔叻，點搞呀


在酒爸爸的慫恿之下，我又懵懵地行埋左張賭檯，賭莊家話一開始黎個熱身先，比左個簡單d既味道我聞，感覺似煙燻燒野既味，我用一個賭幣揀左個Smoky味，竟然估中左，贏多左個俾話說有10個幣就可以去換禮物，因為開始贏左就想繼續賭，跟著自己揀左個味聞，聞到d類似菸草味，我就揀左個New-Mown Hay，酒爸爸揀左Tobacco，正常要買定離手，我又聞多左幾次，我又覺得似草味，我就手賤賤將酒爸爸揀既味道換成左Cut Grass，我諗點都會中一個掛

莊家開蠱啦…就唔應該咁手多換左酒爸爸揀既味道，如果唔係就贏左賭仔心態，下一舖贏返黎，就繼續遊戲，點知仲難估威士忌地區乜料呀⋯我試過小小威士忌點估呀，我決定博一博單車變摩托，我試左小小，因為在會場我試既都係日本Whisky，我又覺得兩個味道幾似，我就揀Japan啦！酒爸爸揀左Ireland，其他酒友部分揀左Taiwan，部分揀左Japan，唯一一個女士揀左Sweden，然後等莊家開蠱啦係Sweden呀，竟然….得一個人估中，好犀利呀，結果這樣輸左呀，我都唔飲Whisky，鬼估到乜，尼支Whisky既酒樽好靚呀，上面的圖案好似係度描述支酒既製做過程，好特別，想要個酒樽，不過都係嬲嬲豬，唔賭啦！

繼續去睇下有乜試為食貓去搵嘢食有火腿試食喎，為食的我試左兩塊，嗯…我覺得麻麻地同埋好貴咯，酒爸爸都係咁認為，我地一致覺得我地Wine Time賣既火腿又好食又平，
試果小小唔過癮，我要繼續試食，隔離有芝士，好似好好食喎，嘻嘻嘻要試下先，我覺得幾好食，酒爸爸忍唔住買左呀！時間過的好快，又係時候講拜拜

寫左咁多好長氣呀你地應該睇到眼花
不過冇計啦，酒會初體驗太興奮想話曬比大家知
大家支持下我啦，希望你地會鍾意我既分享啦！