又黎到一年一度的James Suckling
世界美酒展,👨‍👦‍👦酒爸爸Alex帶盈盈同酒師妹一齊去品嚐下🤤

盈盈💃🏻:一入場就見到好多人在排隊試Louis Roederer Champagne Cristal-2008年,我地哽係要試下啦,尼款酒聞落香氣濃郁複雜,一入口散發出蜜餞柑橘味🍊,而且酸度好平衡,口感強勁飽滿🤤Cristal係Louis Roederer 的旗艦酒款,而2008年係一個傑出的年份,尼款酒經過瓶裝陳釀有10年時間先投放市場,獲得酒評家JS-100分,RP-97分😍好正呀👍

酒爸爸👨‍👦‍👦:今日唔係以採購嗰度,而係用家嘅角度去試呢支😲Lafite 2000,2000年經典靚年喎,lafite ,一級莊喎,要用1張飛仔換,亦只一啖仔🙊。。雖然只係一啖仔,已值回票價。 究竟lafite 2000 而家值幾多錢?Watson wine cellar 參考價$25000🤑
,真係一啖都幾百蚊,聞起確係好有層次,多複雜香氣,皮革,草藥,earthy ,但入囗酒體略有鬆散
總結:$25000 我就吾會買,反而另一支二級莊Château Cos d'Estournel 2010 就性價比高,10分1價錢,狀態仲好!💪

今年James Suckling係香港搞既Great Wines of the World 2019,除左岩岩講過既波爾多頂級莊外,大會仲提供🌟2010年既波爾多一級莊、二級莊葡萄酒作比較品飲,好似🍷Château Canon、🍷Château-Figeac、🍷Château Suduiraut等都表現出色!👏👏

💁🏻酒師妹:最驚喜🤩既莫過於🔥意大利產區,各酒莊帶來既酒款表現旗鼓相當!尤其是依支🍷「Marchesi di Barolo Barolo del comune di barolo 2015」,非常出色!🤩莊主仲要係金髮美女~ 非常豪爽倒左成半杯🍷每一位客人!仲要好耐心介紹酒款資料俾客人,激讚!👍相信鍾意飲Barolo既你,都聽過Marchesi di Barolo依過意大利名莊,佢係Piedmont產區最大既葡萄園擁有者,係著名既葡萄園,所出產的葡萄酒被認為係世界最佳葡萄酒之一!👍👍所以,我地快快手去試左喇😁!嘩!真係唔係講笑!果種濃郁既香氣,可以媲美香水!👏2015年既Barolo帶有石榴石既酒色,用100%Nebbiolo釀造,濃郁既櫻桃🍒、玫瑰🌹、布冧、蔓越莓、煙熏等香氣撲鼻👃而來~ 飲落仲多左蜜餞😋既味道係口腔回蕩,口感絲滑😋,餘韻悠長👅!莊主Anna話葡萄酒之所以甘高質素係因為葡萄酒係來自🌳🌳單一葡萄園,🌟2015年仲攞左有機認證,重點係2015年依支🍷Marchesi di Barolo係香港只係大概賣梗$700-$1000,Piedmont產區既頂級葡萄酒來講,性價比非常之高!👍🤩

 

新世界產區亦都可以話係高手雲集👍👍🇳🇿新西蘭 、🇦🇺澳洲、🇨🇱智利、🇦🇷阿根廷、🇺🇸美國、🇿🇦南非等,來自智利產區既高質酒莊Vinedo Chadwick一開始就出現人龍, 都係1張飛仔換一啖仔🙊,獲得Robert Parker 100分👍🍷Vinedo Chadwick Cabernet Sauvignon 2017入口Fruity ,柔滑細膩😋,紅果香味餘韻悠長~ 仲有係Robert Parker手上攞左多次100分👍酒評既🇺🇸美國Vérité 酒莊,一試難忘😋

(Ps:酒會太多酒款試啦,我地3個人都試唔曬,希望下次可以再品嚐多d酒款,大家都面紅紅返屋企🤤