酒師妹品酒密碼(1)🥂 氣泡酒解碼 - 意大利篇🇮🇹

話說最近天氣🔥熱到人都融啊!依個時候可以隨手飲返杯冰涼既🥂氣泡酒就好喇😎

大家好熟悉既🍾Champagne(香檳),就係氣泡酒既一種,其實除左香檳之外,仲有好多其他既氣泡酒,就好似法國🇫🇷Alsace(阿爾薩斯)既Crémant d'Alsace,🇪🇸西班牙既Cava同🇮🇹意大利既Prosecco、Asti、 Lambrusco 同Franciacorta。點解🇮🇹意大利會有甘多種🥂氣泡酒,宜家就同大家一齊了解下啦😊
.
🥂Prosecco🥂
Prosecco盛產於🇮🇹意大利東北部,以Veneto(威尼托) 大區東北部既Conegliano同Valdobbiadene 兩條小村附近既葡萄園最出名,得到獨特又陡峭既⛰山勢種出與別不同既🍇葡萄Glera。以Glera為主要🍇葡萄釀造既🍾Prosecco充滿左迷人的花香🌼同水果🍒香氣,清新怡人。
.
Prosecco一般分為Prosecco DOC、Conegliano Valdobbiadene Prosecco同比較少見既Colli Asolani Prosecco DOCG (Asolo Prosecco) 三種類別。同香檳唔同,🍾Prosecco用Tank Method (大槽法) 釀造,係不鏽鋼槽進行二次發酵。依種釀造方法既好處唔單止可以突出🍇葡萄既新鮮果香,又可保留葡萄既酸度同果香。
.
🍾Prosecco一直係美國市場最暢銷既意大利葡萄酒之一,同時都係🇮🇹意大利最暢銷既🥂氣泡酒,佢係🇮🇹意大利人心目中相當於🇫🇷法國既香檳,不過價錢就枉枉只有香檳既一半,最近,我地係香港各類型既大小品酒會都唔難發現Prosecco既蹤影。
.
🥂Asti🥂
🍾Asti位於🇮🇹意大利西北部既Piedmont (皮埃蒙特產區)。同名氣泡酒 🥂Asti或 Asti Spumante係甜型氣泡酒,屬於🇮🇹意大利葡萄酒分級制度最高既 DOCG 級別。充滿甜美、成熟既🌼花香同🍒果香,酒精度相對低,適合配各種生果、甜品,容易入口,深受歡迎☺️
.
🍾Asti采用Asti方法釀造,特點係只用一次發酵產生氣泡,而且必然釀造出🍾甜型酒。尤其是其中一款「Moscato d’Asti」,🥂氣泡相對更加少,酒精度更低。釀造Asti的葡萄品種是甜美既🍇Moscato Bianco(白莫斯卡托),即🍇Muscat Blanc a Petits Grains (小粒白麝香),係🍇Muscat (麝香)葡萄家族中最優質既品種,必須種係傾斜度為30%-50% 既⛰山坡上。釀造既🥂氣泡酒香氣芬芳。Asti DOCG保證法定產區包括4種酒款,分別係Asti Spumante(甜起泡酒)、Asti Spumante Metodo Classico(干型傳統起泡酒)、Moscato d’Asti (甜微起泡酒)、Moscato d’Asti vendemmia tardiva (晚熟甜酒)。
.
🥂Lambrusco🥂
🍾Lambrusco係一種🍇葡萄,都係一種產自意大利Emilia-Romagna (艾米利亞-羅馬涅產區)同Lombardy (倫巴第產區)既🥂氣泡紅葡萄酒。同Muscat (麝香)一樣,Lambrusco 其實係🍇葡萄家族,包含60幾個品種。其中種植最為廣泛既係🍇Lambrusco Salamino 、🍇Lambrusco Sobara 同🍇Lambrusco Grasparossa。🍾Lambrusco 既釀造方法都係Tank Method (大槽法),依種釀造方法既好處唔止可以突出🍇葡萄既新鮮果香,又可保留葡萄既酸度同果香。對於 Lambrusco 來講,突出既係紅色水果,櫻桃 🍒、草莓🍓等既香味。
.
一般既 Lambrusco有 IGT(Indicazione Geografica Tipica)級別,質量好既就來自8個 DOC 級別產區。非常適合係☀️炎炎夏日飲用。😬況且Lambrusco都有唔同既甜度任君選擇:Secco(干型)、Semisecco (半干)、Dolce或者 Amobile (甜型)。
.
🥂Franciacorta🥂
🍾Franciacorta 被譽為🇮🇹意大利氣泡酒中既🚘法拉利,都係唯一一款用同香檳一樣既🍾Traditional Method(傳統釀造法)而獲得最高級 DOCG 既氣泡酒。你可能係酒樽上搵唔到 DOCG 既字眼,因為已經無必要喇,🍾Franciacorta 依個名本身就係🥇最高級既象徵。
.
🍾Franciacorta一般用三種🍇葡萄釀造氣泡酒,🍇Chardonnay占總種植量既80%、🍇Pinot Noir、🍇Pinot Blanc只佔少量。Franciacorta 來自Lombardy (倫巴第產區),主要有四種風格: Non-Vintage (無年份)、Millesimato (年份)、Riserva (珍藏)、Saten (白中白)。所有🍇葡萄都必須以人手采摘,保證質量。無年份既氣泡酒需陳年至少 25 個月,年份氣泡酒最少需要陳年 37 個月,珍藏氣泡酒就更耐,陳年67 個月。🇮🇹意大利人總係將好野留俾自己,Franciacorta 只出口總產量既20%,係中國更加係唔會成日見到,有機會遇到,尤其是珍藏級Franciacorta既朋友,真係要細心品嚐喇😉

#Winetime #酒師妹 #酒師妹品酒密碼
#氣泡酒 #意大利 #意大利氣泡酒
#Prosecco #Asti #Lambrusco #Franciacorta
#ConeglianoValdobbiadene #Piedmont #Lombardy #PinotNoir#PinotBlanc #Chardonnay #champagne #Sparkling #SparklingWine#Wine #Wines #Winelovers #winetasting #vino #vinho #vinhos