一路行酒莊你會發現藝術氣息甚為濃厚，莊主會在木桶前面放自己的畫作，甚至係播放音樂，至於有冇實際成效，會唔會令支葡萄酒好飲左？🤔，現時都只係實驗階段🙂
無論如何你會感受到呢個酒莊好着重藝術嘅元素，講到底葡萄酒🍷都係其中一種藝術的表達👍

 

 

繼承父業看似理所當然，但其實可能係來自一個悲傷的故事 …

1988年 ，Il Poggiolo 莊主Rodolfo 18歲時，開始幫爸爸手打理葡萄園，5年後父親Roberto 過身，Rodolfo 在這個情形繼承父業，當年佢都只係23歲, 當時釀酒吾係佢的最大興趣，佢幾有藝術家氣質，鐘意畫畫，創作，同時亦鐘意刺激，酒莊而家仲放在2架越野電單車，細問之下更加知道Rodolfo 曾經贏過2次意大利房車拉力賽冠軍，佢太太Cecilla 係佢partner ，坐在乘客位負責導航 tim

 

 

講下葡萄田，Montalcino 最高點大約560米，Il poggiolo 就位於450米，相對高嘅海拔，泥土係一種＂Galestro＂土壤，混合沙石和大石，葡萄根可以透過大石深入底層, 葡萄園坐向係北面，加上海拔較高，比其他人要更落功夫亦都要較遲才收割，先保證到足夠嘅葡萄成熟度，最後做出嚟嘅葡萄酒會比同區更加優雅，細緻，辛苦得來都係值得！

 

 

莊主 Rodolfo愛藝術同時又好感性，問到佢點解會有一小撮土地種Malbec , 原來太太Cecilla 係阿根廷人，藉以仲阿根廷最出名嘅葡萄表達對太太的愛，適逢我哋參觀當日好近情人節，完全感受到箇中sweet sweet 嘅氣氛

官方網站：https://www.ilpoggiolomontalcino.it/